BTI-modellen er Time kommune sin handlingsrettleiar for å oppdage og følge opp barn og unge i risiko for å utvikla vanskar. Den er ein del av kommunen sin strategi for å forebygge og handtera adferdsproblem og omsorgssvikt, jamfør ny barnevernlov.
BTI-modellen skal visa den samanhengande innsatsen i og mellom tenester retta mot gravide, barn, unge og familiar som det er knytt ei bekymring til. Modellen skal bidra til tidleg innsats, samordna tenester og brukarmedverknad.
Samanhengen i tenesteutviklinga og felles strategiar er viktig for å sikra forpliktande og systematisk innsats for barn og unge i Time, og BTI-modellen skal sjåast i samanheng med den konkrete oversikta over tiltak samt Strategiplan for oppvekst 2023-2029.