Barneverntenesta

Trygge foreldre

Time kommune vil styrka foreldre si tryggleik gjennom gode grunntenester og tett tverrfagleg samskaping. Strategiplanen peikar på at trygge og stabile foreldre er ein føresetnad for at barn skal utvikla meistring, sosial kompetanse og god psykisk helse.

Barnevernet nyttar Visma Flyt Barnevern og trygg digital kommunikasjon i kontakt med foreldre, og tilbyr jamlege samtalar, samarbeidsmøte og evalueringar gjennom heile tiltaksløpet. Rettleiing i heimen, hjelpestøttande tiltak og oppfølgingssamtalar blir organisert i samarbeid med Felles tiltaksavdeling for Time, Klepp og Hå (jf. avtaleverket).

Barnevernet:

• arbeider kunnskapsbasert og med stor grad av samarbeidskompetanse
• møter familiar med respekt, openheit og medverknad
• sørgjer for at foreldre blir involverte og informerte gjennom heile prosessen
• bruker verktøy, metodar og tiltak som gir foreldre støtte og rettleiing i krevjande situasjonar
• bruker etablert kunnskapsgrunnlag for “Trygge foreldre”
• har systematiske samtalar, nettverksmøte og samarbeid med tenester rundt barnet
• har tett dialog med barn og føresette i MUO- og Omsorgsteam

Knytt til mål i Strategiplan Oppvekst skal barnevernet vera prega av:

• Høg deltaking i foreldresamarbeid
• Positiv utvikling i indikatorar knytt til medverknad

Samhandling og førebygging for tidleg innsats

Strategiplanen understrekar at førebygging og tidleg innsats krev systematisk tverrfagleg samarbeid. Dette er sentralt i barnevernet sitt arbeid.

Barnevernet i Time arbeider etter ein spesialistmodell med:

• MUO – mottak, undersøking og oppfølging
• Omsorgsteamet – oppfølging av barn i fosterheim og institusjon, og ettervern
• Felles tiltaksavdeling – rettleiing til foreldre, barn og fosterheimar

Barnevernet:

• deltek i tverrfaglege samarbeid med andre kommunale- og ikkje kommunale tenester
• har ei aktiv rolle i å oppdaga, avdekka og melda bekymring – og sikra at andre tenester gjer det same
• har systematisk rettleiing av fosterheimar og samarbeid med barnevernvakt

Knytt til mål i Strategiplan Oppvekst skal barnevernet vera prega av:

• Jamleg samhandling mellom profesjonar
• Systematisk bruk av BTI
• God overgangsstøtte 0–18 år
• Bidra inn i LLB og LLE gjennom nettverkskontakt i barneverntenesta

Inkluderande samfunn

Strategiplanen legg vekt på inkludering, medborgarskap og at barn og unge skal bli sett, høyrt og inkludert. Dette er heilt grunnleggjande i barnevernet sitt mandat.

Barnevernet:

• innhentar systematisk barnet sin stemme i journalnotat og tiltaksvurderingar
• brukar internkontroll, samt faglege møte og refleksjonsøkter for å sikra kvalitet
• har fokus på ettervern for ungdom over 18 år som treng støtte for å fullføra skule, arbeid eller bustadløysing
• samarbeidar med barnehage, skule, Fritid, NAV, helsestasjon/familiesenter og andre relevante tenester

Knytt til mål i Strategiplan Oppvekst skal barnevernet vera prega av:

• Barn melder at dei blir sett, høyrt og inkludert
• Samarbeid for å hindre utanforskap
• Bidra til at fleire fullfører vidaregåande opplæring

Oppvekst og digitalisering

Digital kompetanse er eit gjennomgåande satsingsområde i strategiplanen. For barnevernet betyr dette trygg og effektiv digital praksis, kombinert med høg etisk standard. Barnevernet møter mange barn og familiar, og skal rettleia i tråd med retningslinjer for god digital praksis.

Barnevernet skal:

• brukar Visma Flyt Barnevern
• sikrar korrekt handsaming av personopplysningar
• styrkar digital kompetanse
• rettleiar i tråd med Digital praksis i Oppvekst

Knytt til mål i Strategiplan Oppvekst skal barnevernet vera prega av:

• tilgang på trygge digitale verktøy
• kompetanseheving i digital tryggleik og personvern
• balanse mellom digital, relasjonell og analog kontakt i sakshandsaming
• Rettleiing til føresette i tråd med Digital praksis i Oppvekst

Rekruttera og behalda

Barnevernet er ei kompetansekrevjande teneste. Strategiplanen legg vekt på at Oppvekst må ha rett kompetanse for å nå visjonen.

Barnevernet har i dag høgt utdanna personale, med bachelor i barnevern eller sosialt arbeid, og fleire med mastergrad og vidareutdanning. Det er eit nasjonalt kompetansekrav som skal oppfyllast innan 2031.

Barnevernet:

• Har ein målretta kompetanseplan (traumebevisst omsorg, juss, barnets beste, rePULSE, COS-P, DUÅ osv.)
• Har system for mottak og oppfølging av nytilsette
• Har aktiv bruk av fagleiing, rettleiing og internkontroll
• Har satsing på gode arbeidsvilkår, transparente prosessar og utvikling i stilling

Knytt til mål i Strategiplan Oppvekst skal barnevernet vera prega av:

• Alle stillingar skal ha kvalifisert personell
• Personalutskifting under 5 % → viktig for kontinuitet i relasjonar
• God score på medarbeidarundersøkingar → trygt psykososialt arbeidsmiljø
• Fleire kvalifiserte søkjarar enn stillingar