Strategiplan for oppvekst 2023-2029 er ein del av kommunen sin strategi for å førebygga åtferdsproblem og omsorgssvikt jfr. ny barnevernlov. Strategiplanen vil bidra til ei overordna forankring av det førebyggande tilbodet og fordeling av kommunen sine ressursar til dette arbeidet. Den er viktig for å sikra forpliktande og systematisk innsats, og skal sjåast i samanheng med den konkrete oversikta over tiltak og med BTI-modellen som handlingsrettleiar for barn og unge i risiko for å utvikla vanskar.
Innleiing
Visjonen vår:
«Alle barn og unge i Time kommune har lyst på livet, og evne til å meistra det»
I kommunalområdet Oppvekst skal me sikra at alle barn og unge skal oppleva eit godt og inkluderande oppvekstmiljø som fremjar tryggleik, læring, trivsel og helse. Vidare skal me legga til rette for eit godt tilbod for integrering av flyktningar.
Barn og unge er i Barnekonvensjonen art. 3 gitt ein rettigheit på at barnet sitt beste alltid skal vurderast i avgjersler og saker som får betydning for barn direkte eller indirekte. For Oppvekst er dette ein grunnleggande handlingsregel som skal dokumenterast i planverk og saksbehandling.
Strategiplan for Oppvekst bygger på kommuneplanen sin samfunnsdel, FN sin barnekonvensjon og berekraftsmål. Planen skal vera eit styringsverktøy for einingane, og gje tydeleg og definert retning mot felles mål for Oppvekst. Økonomiplanane er handlingsdelen der prioriterte tiltak i strategien vil bli innarbeidd. I planen er omgrepet ressursar brukt, og dette inkluderer både økonomiske og menneskelege forhold som t.d. organisering, kompetanse, tidsbruk og økonomi.
Grunnlaget for planen er kapitla i samfunnsdelen som omhandlar Gode kvardagsliv for alle og Me skal gjera det i lag. Desse kapitla er basert på berekraftmål nr 4 ”God utdanning” og nr 17 “Samarbeid for å nå målene”.
æææææ