Trygge foreldre
Strategiplanen løfter fram at trygge foreldre er ein føresetnad for at ungdom skal utvikla meistring, sosial kompetanse og god psykisk helse. Ungdom og fritid støttar dette arbeidet gjennom nær dialog med føresette og tilgjengelege lågterskeltilbod som styrkar heimen si rolle.
Ungdom og fritid:
- møter foreldre med respekt, openheit og medverknad
- deltek i samarbeidsmøte ved behov saman med skule, helsestasjon/familiesenter og andre tenester
- gir rettleiing og informasjon om ungdomsmiljø, fritidstilbod og førebyggande arbeid
- bruker digitale plattformer i tråd med retningslinjene for god digital praksis i Oppvekst
Knytt til måla i Strategiplan Oppvekst skal Ungdom og fritid vera prega av:
- høg deltaking i foreldresamarbeid
- positiv utvikling i indikatorar knytt til medverknad og trivsel
Samhandling og førebygging for tidleg innsats
Strategiplanen understrekar at førebygging skjer best når ulike profesjonar samhandlar jamleg. Ungdom og fritid er ein viktig del av kommunen sine førebyggande tenester, og jobbar tett med skule, barnevern, helsestasjon, NAV og frivilligheita.
Ungdom og fritid:
- har låg terskel for kontakt, støtte, samtalar og oppfølging av ungdom
- deltek i BTI-arbeid og tverrfaglege møte for å oppdaga og følgja opp tidlege teikn
- samarbeider med ungdomsskulane om tiltak for trivsel, miljø og førebygging av fråvær og utanforskap
- har oppsøkande arbeid i ungdomsmiljø
- arbeider aktivt for å førebyggja utanforskap og kriminell åtferd gjennom trygge møtestader for barn og unge
Knytt til måla i Strategiplan Oppvekst skal Ungdom og fritid vera prega av:
- jamleg samhandling med andre profesjonar
- systematisk bruk av BTI
- styrking av overgangar mellom skule, fritid og vidaregåande opplæring
Inkluderande samfunn
Fritidsklubbane og ungdomsteamet er viktige arenaer for inkludering, deltaking og fellesskap. Tenesta jobbar målretta for at ungdom skal oppleva å bli sett, høyrt og inkludert – i tråd med satsingsområde 3.
Ungdom og fritid:
- legg til rette for trygge og rusfrie møteplassar for alle ungdommar
- samarbeider tett med frivillige lag og organisasjonar
- arbeider aktivt mot utanforskap, gjennom både fellesskapsaktivitetar og individuell oppfølging
- har fokus på ungdom med særlege behov eller sårbarheit
- inkluderer ungdom sin stemme i planlegging, aktivitetar og evaluering
Knytt til måla i Strategiplan Oppvekst skal Ungdom og fritid vera prega av:
- ungdom rapporterer at dei blir sett, høyrt og inkludert
- aktivt samarbeid for å førebygga utanforskap
- bidrag til at fleire fullfører vidaregåande opplæring gjennom støtte, motivasjon og meistringsarenaer
Oppvekst og digitalisering
Digitalisering er ein sentral del av ungdomskulturen. Ungdom og fritid har ei viktig rolle i å fremja trygg digital praksis, både overfor ungdom og foreldre.
Ungdom og fritid:
- rettleiar ungdom i nettvett, digital dømmekraft og kritisk tenking i tråd med Digital praksis i Oppvekst
- bruker digitale plattformer i samsvar med GDPR og kommunen sine føringar
- er tilgjengelege for ungdom gjennom trygge digitale kanalar
- deltek i digital kompetanseheving i Oppvekst
Knytt til måla i Strategiplan Oppvekst skal tenesta vera prega av:
- trygg bruk av digitale verktøy
- kompetanse på digital tryggleik og ungdomskultur
- god balanse mellom digitale og analoge aktivitetar i fritidsklubbane
Rekruttera og behalda
Ungdom og fritid er ei teneste som treng fagpersonar med kompetanse på ungdom, miljøarbeid, relasjonar og førebygging. Strategiplanen vektlegg at Oppvekst må ha rett kompetanse for å nå visjonen.
Ungdom og fritid:
- har tilsette med relevant sosialfagleg og pedagogisk kompetanse
- har system for fagleg rettleiing og oppfølging av nytilsette
- arbeider for eit godt arbeidsmiljø prega av tryggleik, openheit og utvikling
- deltek i kommunen sitt arbeid med kompetanseplanar og profesjonsutvikling
Knytt til måla i Strategiplan Oppvekst skal tenesta vera prega av:
- kvalifisert personale i alle stillingar
- låg personalutskifting for å sikre stabilitet i ungdomsrelasjonar
- godt arbeidsmiljø med høge skårar på medarbeidarundersøkingar
- attraktivitet som arbeidsplass