Visjonen i Strategiplan Oppvekst 2023–2029 er:
«Alle barn og unge i Time kommune har lyst på livet, og evne til å meistra det.»
PP‑tenesta (Pedagogisk‑psykologisk teneste) er ein sentral del av tenesteområdet Oppvekst. PP‑tenesta skal bidra til at barn og unge får eit inkluderande, tilrettelagt og utviklande oppvekstmiljø som fremjar læring, helse, meistring, trivsel og deltaking.
Arbeidet er forankra i opplæringslova kapittel 5, barnehagelova, barnekonvensjonen, kommuneplanens samfunnsdel og Strategiplan Oppvekst 2023–2029.
PP‑tenesta sitt samfunnsoppdrag er å:
- sikra at barn og elevar får oppfylt retten til tidleg innsats og spesialpedagogisk hjelp/opplæring
- bidra til at barn og unge får eit godt og meiningsfullt barnehage- og skuleløp
- gi sakkunnige vurderingar av høg kvalitet
- styrka kompetansen i barnehagar og skular til å skapa gode læringsmiljø
Trygge foreldre
Time kommune vil styrka foreldre si tryggleik gjennom gode grunntenester og tett tverrfagleg samskaping. Strategiplanen understrekar at foreldre som kjenner seg trygge og involverte, er ein nøkkel til barn si utvikling og læring.
PPT:
- arbeider kunnskapsbasert, basert på forsking og faglege retningsliner
- møter familiar med respekt, openheit og medverknad
- involverer foreldre i kartlegging, vurdering og tiltak
- gir tydeleg rettleiing, støtte og informasjon i alle fasar
- bruker etablerte kunnskapsgrunnlag innan utviklingspsykologi, læringsmiljø og tilpassa opplæring
- deltek i systematiske samtalar, nettverksmøte og samarbeidsarenaer rundt barn
- har tett dialog med føresette og barnehage/skule gjennom heile sakkunnig‑løpet
Knytt til mål i Strategiplan Oppvekst skal PP‑tenesta vera prega av:
- høg kvalitet i samarbeid med foreldre
- systematikk i bruk av datagrunnlag for å følgja utvikling
- medverknad frå foreldre som er aktive og informerte
Samhandling for førebygging og tidlig innsats
Strategiplanen legg stor vekt på førebygging og tidleg innsats. PPT er ein av berebjelkane i dette arbeidet og samarbeider breitt på tvers av tenester.
PP‑tenesta i Time arbeider etter ei kombinert system- og individretta tilnærming, og skal bidra til at alle barn får eit pedagogisk tilbod som er tilpassa deira behov.
PPT:
- deltek i tverrfagleg samarbeid med skular, barnehagar, helsestasjon/familiesenter, barnevern, flyktningteneste m.fl.
- rettleiar personale i barnehage og skule for å styrka kompetanse og utvikla inkluderande læringsmiljø
- gir sakkunnige vurderingar som grunnlag for vedtak om spesialpedagogisk hjelp og individuelt tilrettelagt opplæring
- avdekker behov tidleg, gjennom observasjon, samtalar og systematisk kartlegging
- bidreg til at avgjerder blir tekne på best mogleg fagleg grunnlag
- deltek i LLB og LLE som fast fagleg ressurs i laget rundt barnet og eleven
- nyttar BTI (Betre Tverrfagleg Innsats) i arbeid med barn som treng samordna oppfølging
Knytt til mål i Strategiplan Oppvekst skal PP‑tenesta vera prega av:
- jamleg og forpliktande samhandling mellom profesjonar
- systematisk bruk av BTI
- god overgangsstøtte mellom barnehage–skule og barnetrinn–ungdomstrinn
- styrka kompetansebygging i skular og barnehagar
Inkluderande samfunn
Strategiplanen legg vekt på at alle barn og unge skal oppleva å bli sett, høyrt og inkludert. PPT si rolle er å styrka både barn og systemet rundt barnet.
PPT:
- sikrar at barn sin stemme blir høyrd i kartlegging og sakkunnig arbeid
- fremjar inkluderande praksis i barnehage og skule
- rettleiar personalet i arbeid med læringsmiljø, relasjonar og klasseleiing
- samarbeider tett med relevante tenester for å hindra utanforskap
- bidreg til heilskapleg støtte til barn med særlege behov
- arbeider ressursorientert, med vekt på meistring og utvikling
Knytt til mål i Strategiplan Oppvekst skal PP‑tenesta vera prega av:
- praksis som byggjer inkluderande fellesskap
- tett samarbeid som reduserer behovet for individretta tiltak
- bidrag inn i arbeidet med å få fleire elevar til å fullføra vidaregåande opplæring
Oppvekst og digitalisering
Digital kompetanse er eit sentralt satsingsområde i Strategiplan Oppvekst. For PPT betyr dette trygg digital saksbehandling og rettleiing av barnehage og skule i digital praksis.
PPT:
- brukar Visma Flyt PPT (eller relevante fagsystem)
- sikrar korrekt handsaming av personopplysningar i tråd med GDPR
- styrkar digital kompetanse både internt og i samarbeid med barnehage/skule i tråd med Digital praksis i Oppvekst
- rettleiar i god digital praksis, inkludert universell utforming, hjelpemiddel og tilpassa digital opplæring i tråd med Digital praksis i Oppvekst
- bruka digitale kartleggingsverktøy når det er fagleg forsvarleg
Knytt til mål i Strategiplan Oppvekst skal PP‑tenesta vera prega av:
- tilgang på trygge digitale verktøy
- høg kompetanse i personvern
- god balanse mellom digital, relasjonell og analog kontakt
- støtte til tilsette og føresette i digital praksis i opplæringa
Rekruttera og behalda
PPT er ei kompetansekrevjande fagteneste. Strategiplanen understrekar behovet for riktig kompetanse og stabil arbeidskraft for å sikra kvalitet.
PP‑tenesta i Time kommune har høgt utdanna personale med:
- mastergrad i spesialpedagogikk, pedagogikk eller psykologi
- vidareutdanning innan læringsmiljø, språk/vanskar, psykisk helse, rådgiving m.m.
PPT:
- har ein målretta kompetanseplan i tråd med lovkrav og lokale behov
- har gode system for mottak, oppfølging og rettleiing av nytilsette
- nyttar fagleiing, kollegarettleiing og internkontroll aktivt
- har fokus på gode arbeidsvilkår, utvikling og fagleg fellesskap
Knytt til mål i Strategiplan Oppvekst skal PP‑tenesta vera prega av:
- kvalifisert personale i alle stillingar
- låg personalutskifting for å sikra stabilitet og relasjonskontinuitet
- godt og trygt arbeidsmiljø
- fleire kvalifiserte søkjarar enn stillingar